МУКӦДЫС НӦ ЛОВЪЯӦСЬ АЛИ КУЛӦМАӦСЬ?

Коми газеттӧ ассьыным ме пыр лыддя. Медся ёна радейта лыддьыны коймӧд лист боксӧ, кӧн тай гырыся гижӧма «Коми муын». Со мый меным синмӧ шыбитчӧ: ӧткымын вӧлӧсьт йылысь вель уна, частӧкодь гижлӧны; мукӧд йылысь кыв ни джын эг на аддзыв.

Гижӧдъяс серти ӧткымын вӧлӧсьтысь олӧмсӧ тӧдны понді: тыдалӧ — мыйкӧ вӧрӧны йӧзыс. Сьӧкыда мунӧ уджыс, ньӧжйӧн, а уджалӧны, заводитӧны уджавныс.

Мукӧд вӧлӧсьтыд юрӧ воасны... Ӧнӧдз на ӧмӧй найӧ узьӧны? Абу жӧ ӧд дзикӧдз кулӧмаӧсь? Дзик ӧмӧй нин абу нинӧм бурторйыс, мый эськӧ позис йӧзыслы висьтавны? Али нӧ омӧльыс нинӧм абу — ставыс бур, шы ни тӧв олӧны — бара нинӧм висьтавныс? Гашкӧ нӧ, некодлы гижыштныс вӧлӧсьтувса олӧм йывсьыс? Эм жӧ велӧдысьяс, комсомолечьяс, коммунистъяс, кутшӧмкӧ гижысь морт ӧд быд вӧлӧсьтын жӧ сюрӧ?!

Пезмӧгса, Пожӧгса, Важкуаса, Ручса, Дереваннӧйса, мукӧд вӧлӧсьтса — шыӧдчӧй!

Чуксасьысь.