МЫЙЛА ТАДЗИ?

От волисполкомын юралысьӧс П. И. Политовӧс унаысь босьтлӧ кутшӧмкӧ ру. Мукӧддырйи союзӧ пырӧм том йӧзлы ковмывлӧ чукӧртчывны собранньӧ вылӧ. Керкаысь керкаӧ йӧзӧс чукӧртны ветлыны некодлы, сы понда погостын, сиктъясын ячейка комитет кытчӧсюрӧ ляскалӧ юӧръяс сэтшӧм собранньӧяс йывсьыс. Неважӧн ячейкаӧ шыӧдчис Туркина М. А., вӧзйысьӧ шленӧ. Быд мортӧс ӧд он кут юасьны, кутшӧмджык сійӧ мортыс, сы понда кӧсъям вӧлі ляскыны гижӧд, мед эськӧ граждана висьталасны Туркина йылысь ставсӧ, мый тӧдӧны. Локтӧма сэтчӧ Политовыд да абу лэдзӧма ляскынысӧ: оз пӧ позь волисполкомысь разрешенньӧ босьттӧдз. Мукӧддырйи ляскӧм юӧръяс пырысь-пыр нетшкас да косявлас.

Миянлы колӧ тӧдны — веськыда-ӧ уджалӧ волисполкомын юралысь, оз кӧ веськыда — колӧ ланьтӧдыштны, мед оз сюй нырсӧ, кытчӧ оз ков.

Том йӧзлӧн ячейка.