ТУЙЫС ПИСЬТӦ НЫВБАБА ВОДЗЫН

Ӧстап сиктын Абъячой вӧлӧсьт улын воддза во нин вӧлі сӧветас бӧрйылӧмаӧсь ӧти нывбабаӧс. Таво выль сӧветӧ бара ӧти бабаӧс бӧрйисны. Думышті ме ачым баба олӧм вылад дай шуа: со ӧд, сӧвет власьтыд вӧлятӧ сетіс нывбабаыдлы, пондісны найӧ коркӧясӧ шыасьлывлыны. Аддзӧны мужикъясыд — бабаыд сэтшӧм жӧ гражданка, сідз жӧ вермӧ тӧлкуйтны быдтор йылысь, сідз жӧ вермӧ уджавны. Пондісны асьныс бабаяс жӧ удж вылӧ ыштӧдны. Сё куим-ӧ-нёль морт кисӧ лэптісны вылӧ, кор пондісны бабатӧ сӧветӧ бӧрйыны.

Бура уджавны сиам Ӧстап сиктса сӧвет шленлы — нывбабалы.

Кыа.