ШЫБЛАЛӦ ТАТШӦМ ТӦРГӦВӦЙЯСТӦ

Ме вӧлі чайта, поп-дяк тшаплунлы, мися, быдлаын нин воис пом. Абу на жӧ тай. Чуклӧм погостын (Визин уезд) поп важ дорсьыс на ёна тшапмӧма. Зэв мастера кужӧ пемыд йӧзкӧд донъясьны. Кодкӧ кӧ кувсяс — быттьӧ сійӧ поплӧн тӧвар. Урчитас сьылӧдӧмысь дон, сыысь улӧ нинӧм вылӧ оз лэдз. Сьылӧдтӧг муӧ сюйны крестьяна шуӧны грекӧн.

Мый нӧ вӧчан, быть сет поп-батюшкоыдлы кӧть медбӧръя мӧстӧ, оз бара сійӧ шу, тэ пӧ гӧльман тадзтӧ. Ен дорӧ кутчысьысьясӧс повзьӧдлӧ вичко тупкӧмӧн. Найӧ, коньӧръяс, кусьыс петӧны — да поп рушку тыртӧны, мед эськӧ вичкотӧ оз жӧ тупкы. Со ӧд на кутшӧм пемыд йӧз эмӧсь миян обласьтын.

Кывзӧ менсьым: поптӧ кӧ вӧтланныд да вичкоас кӧ вӧчад нардом, ёна ыджыд бур вӧчанныд аслыныд, асланыд юр вежӧрныдлы, челядьныдлы. Поплы шуӧ — тырмас донъясьны миян синвакӧд, тэтӧг ми кужам лӧсьыда овны вӧльнӧй светад.

С. Е.