ВӦЧЧӦМА МИЧАА — СЁРНИТӦ ГУГӦН-БАНӦН

Ме, деревняса морт, неважӧн кыдзкӧ вӧлі Сыктывдінкарын. Муна моски кузя базарлань. Больнича весьтын паныд лоины кык том нывбаба, кыкнаныс вӧччӧмаӧсь зэв мича паськӧмӧн, дзик господа кодьӧсь. Ӧтикыс кырым вылас кутӧ дзоляник кагаӧс, акань кодя вӧчӧдӧма, мӧдыс кырымас кутӧ сьӧд лӧсталан зонтик да дзоляник ноптор. Кывза да, налӧн мӧдӧдчис ас костас сёрни:

Зонтика: здрасвуй Кӧрмановна!

Кагаа: здрасвуй, олан-вылан!

Зонтика: кытчӧ нӧ пошла каганас?

Кагаа: больничу, больничу, милӧй, ребенок зубы болит, надо дернуть.

Зонтика: а, зубы болит... Какой но зубы болит? бедной-а, ёна поди болит?..

Кагаа: дальнӧй, дальнӧй... Войнас спать оз лэдз.

Зонтика: ок, девка, убивают кагу-то больниче, зуб-от дальнӧй, крепкӧй.

Кагаа: ты но куда идем?

Зонтика: портнӧйӧй, портнӧй... Ковта шыть. Прӧщай, до свиданне!

Ме ачым мӧвпала: дерт, мися, татшӧм баруньӧясыс кутшӧмкӧ деревняысь воӧм коми йӧз, бабаяс гырысь жалӧванщиклӧн либӧ тӧргуйтысьлӧн. Со, мися, и йӧз: вӧччыны зэв кужӧмаӧсь, сёрнитӧны гугӧн-банӧн, рочӧн ни комиӧн оз кужны. Серамыд петас сэтшӧм сёрнитӧм вылад.....

ПЕЛЬ.