БЫДЛАЫН КОЛӦ ТАДЗИ УДЖАВНЫ

Крестьяна кост мӧда-мӧдлы отсасян комитет Кулӧмдін уездын медся бура уджалӧ Визябӧжын.

Колян во выль войтырӧс комитетӧ бӧрйигӧн вӧлӧма сӧмын 22 шайт 80 ур дон нянь.

Тайӧ во гӧгӧр воӧма став деньгаыс 560 ш. 57 ур.

Сетӧма вермытӧм крестьяналы бӧр мынтытӧм вылӧ 159 ш. 89 ур.

Удждӧма во чӧж кежлӧ 244 ш. 20 ур.

Кольӧма комитет киын 179 ш. 28 ур.

Тайӧ тӧлысьясын бара воас 873 ш. 80 ур.

Став деньгаыс выль уджалан во кежлӧ (уджалан во лыддьыссьӧ октябр 1 лунсянь) комитет ордын лоӧ 1053 ш. 8 ур.

Тайӧ деньгасӧ комитет сетӧ выль кооперативӧ (восьтӧны инвалидъяс), кӧсйӧ водзӧ отсавны вермытӧм крестьяналы кооператив пыр. Кооперативкӧд ӧтвыв уджалӧм кындзи, Озёл сиктын комитет кӧсйӧ лӧсьӧдны вый вӧчан артель, да бурджык мед лоӧ скӧт — ньӧбны бур ӧшкӧс.

Мынтытӧм вылӧ комитет сетӧма отсӧг ӧти инвалидлы (скӧтыс сылӧн кулӧма) ӧти вӧв да мукӧд коланторъяс сё шайт дон.

Локтан во гӧгӧр комитет кӧсйӧ чӧжны деньга кык сюрс шайтӧдз. Крестьяна комитетӧн зэв здӧвӧльӧнӧсь.

Мед эськӧ быд пельӧсын миян Коми муын лоӧны татшӧм комитетъяс, сэки нинӧм повны водзвыв тӧдтӧм приччаяссьыд.

М.