ЛЫДДЬЫСЯН КЕРКА ВОЛСЯЫН

Лыддьысян керка восьтӧма колян во сентябр тӧлысьын. Войдӧрсӧ вӧлі народнӧй дом, лои тупкыны деньга судзсьытӧмла.

Лыддьысянін лӧсьӧдӧма Волисполком керка бердӧ, сӧмын ӧти жыр. Лыддьысьысь ӧні волӧ гежӧда (шоча), став вермысь йӧзыс уджалӧны му гӧгӧр, лыддьысьны оз эштыны.

Лыддьысянінӧ воӧны газетъяс: «Югыд туй», «Крестьянскӧй газет», да журналъяс: «Юные строители», «Советская волость».

Газетъясысь кындзи эм библиотека. Став нигаыс 906. Пырджык лыддьысьысьыс 85 морт — 66 том йӧз, 16 олӧмджык крестьяна, 3 нывбаба. Налы сетӧма лыддьыны 227 нига. Унджык нигасӧ нин том йӧз лыддьӧмаӧсь, колӧ ыстыны выль нигаяс тӧв кежлӧ.

Н. М.