МӦДА-МӦДЛЫ ОТСАСЯН ОБЩЕСТВОЯС

Став Рочмувывса Центральнӧй Исполнительнӧй Комитет шуӧма лӧсьӧдны сиктъясын, вӧлӧсьтъясын став республика пасьта мӧда-мӧдлы крестьяна кост отсасян обществояс (общества взаимопомощи). Тайӧ обществоясӧ крестьяна бӧрйӧны ас костсьыныс, скодъяс вылын, шленъясӧс, сӧветъясӧ бӧрйысьӧм моз жӧ. Сӧвет власьт чайтӧ, татшӧм обществояс лӧсьӧдӧмӧн, крестьяна мӧда-мӧдлы отсасьӧмӧн, ӧдйӧджык кутасны сӧвъявмыны да озыр йӧз кипод улысь мездысьны. Татшӧм обществоясӧ пырӧны став крестьянаыс. Сьӧм, нянь да мукӧдтор крестьяна пондасны чукӧртны обществоас ас костын. Сэсся обществоыдлы кутасны отсавны государственнӧй учрежденньӧяс.