РЫКОВ КРЕСТЬЯНА ПӦВСТЫН

Ӧні нянь вотӧм местаясті (Волга ю дорын) ветлӧ Народнӧй Комиссаръяс сӧветысь председательыс Рыков. Новоузенскӧй уездті мунігӧн пыравлӧма уна сиктӧ, сёрниталӧма крестьянакӧд, тӧдмалӧма налысь оласногсӧ. Медся ёна видлалӧма гӧль крестьяналысь олӧмсӧ. Быдлаын крестьяна петавлӧны воча Рыков дінӧ. Зэв ёна радлӧны сійӧ сиктъясӧ сувтлӧмлы.

Новотуловка сиктын крестьяна Рыков локтігкежлӧ чукӧртлӧмаӧсь скод. Рыков крестьянакӧд дыр сёрнитӧма нянь вотӧм йылысь да уна мукӧдтор йылысь. Крестьяна быдлаын Рыковӧс корӧны ас орданыс шойччыны, сёйыштны, юыштны, кыдз-мый вермӧны гӧститӧдӧны.