ПИОНЕРЪЯС КИЯЫН (КӦРТКЕРӦСЫН)

Кӧрткерӧсын пионерскӧй отряд чужи март дас квайтӧд лунӧ. Тайӧ лунӧ кулӧма уджалысь йӧз дор олысь — Яков Микайлӧвич Свердлов. Отрядӧ пырис дас кык морт. Шуим отряднымӧс т. Свердлов нимӧн. Пырысь-пыр жӧ заводитчис удж. Бумага-карандаш судзӧдім спектакльӧн. Со мый велӧдны кутісны отрядын пионеръясӧс: политграмота, военнӧй строй да гимнастика. Политграмота велӧдіс секретар РКСМ — Евдокия Ив. Изъюрова, строяс велӧдіс М. А. Казаков. Пыр бура велӧдчим ӧніӧдз, ӧні на велӧдчам прӧст пӧраӧ. Март дас квайтӧд лунсянь соді бура уна пионер. Ӧні пионерскӧй отрядын кызь ӧкмыс пионер, чайтам ещӧ быдмыны-содны. Ӧні вӧлі кык звено пыр на, лоӧ сэсся лӧсьӧдны коймӧдӧс. Пионеръяслы толькӧ оз тырмы бур велӧдысь.

Коми том войтыр-челядьяс, пырӧй пионерскӧй отрядӧ повтӧг-яра!

Пионер Попов.