НЫВБАБА КОСТЫН

Лоймаын юль тӧлысьын чукӧртчылӧмаӧсь делегаткаяс. Сёрнитӧмаӧсь школа йылысь да туй вӧчӧм йылысь.

Школа йылысь висьталӧма делегаткаяслы нывбаба костын удж нуӧдысь Лобанова. Кывзӧмаӧсь делегаткаяс, сёрнитӧмаӧсь, сэсся шуӧмаӧсь: сӧмын пӧ велӧдчӧмӧн мортӧ воам, велӧдчытӧм йӧз пӧ мыр кодьӧсь. Ставным пӧ таво ыстам челядьнымӧс школаясӧ дай мукӧд бабаяслы пондам висьтавлыны, мед оз кутны челядьсӧ гортаныс — ыстасны школаӧ.

Сэсся сёрнитӧмаӧсь туй вӧчӧм йылысь да кӧсйӧмаӧсь ставныс ветлыны уджавны ӧтвылысь, петкӧдлам пӧ мужикъяслы, кутшӧм кокньыд ӧтувтчӧмӧн уджавны.

Бур эськӧ вӧлі, Лоймаса нывбабаяс кӧ вӧчисны асланыс шуӧм серти, а ещӧ бур эськӧ лои, мукӧдлаын кӧ бабаясыс Лоймасаяс моз жӧ босьтчисны уджавны.

Прокушева.