ЙӦЗЫС ПЫШЙӦНЫ

Винница карӧ Бессарабиясянь да Буковинасянь быд лун локтӧны жмитӧм понда пышйысь йӧз. Найӧ висьталӧны, зэв пӧ сьӧкыд лоны кутіс Буковинаын да Бессарабияын уджалысь йӧзлы овны. Лунысь-лун уджалысь йӧз сьӧлӧмнас кутчысьӧ Сӧвет Украина дор, сы понда Румынияса начальство быд ногӧн найӧс жмитӧ. Сиктъясын вӧчӧны обыскъяс. Уналаын грабиталӧны, мырддялӧны крестьяналысь вӧвъяс, новлан паськӧм. Карпат гӧра вылын олысьяс чукӧртчӧмаӧсь отрядъясӧ, олӧны вӧр пӧвстын. Ветлысь-мунысь войскаяслысь мырддялӧны воюйтан кӧлуйяссӧ. Буковинаын, Бессарабияын Румыния правительство шуӧма лӧсьӧдны олӧм война вылын моз жӧ. Вайӧмаӧсь йӧзсӧ жмитны зэв уна войска.