СӦВЕТ ПРАВИТЕЛЬСТВО ВЕРМИС

БЕРЛИН. Сӧвет правительство нимсянь Германияса правительствокӧд сёрнитысь Бродовскӧй ӧтарсянь, Германия нимсянь сёрнитысь — Штреземан — мӧдарсяньыс кырымалӧмаӧсь сёрнигижӧд (протокол) водзӧ кежлӧ бурӧн олӧм йылысь. Тӧргӧвӧй представительствоын шобсьӧм понда дӧзмывлӧм шуӧмаӧсь вунӧдны. Берлинса газетъясын та йылысь гижӧны: «ЛОКАЛЬ АНДЕНГЕР» нима газетын: «Германскӧй знамя пӧ копыртчис Совет Республикаяслӧн Союз водзын. Германия правительство водзысь водзӧ пондіс воштыны ассьыс ыджыд государство нимсӧ». «ДОЙЧЕ ТАГЕ ЦАЙТУНГ» нима газет шуӧ: «Сӧвет Россия да Германия костын сёрнигижӧд кырымалӧмӧн Сӧвет нимсянь сёрнитысьяс ёна вермисны Германияӧс. Мича ним Германия пондіс воштыны».

«Гӧрд знамя» («Ротэ Фане») нима газетын радлӧны Сӧветъяс вермӧм понда.