ПОЖӦГЫН

(Кулӧмдін карув)

Колӧ дугӧдны.

Миян Пожӧгын быд тулыс зэв ёна вӧр жугӧдӧны лиасьӧмӧн. Тілльӧд кӧ кутан мунны, видзӧдан да, гӧгӧр куйлӧ еджыд лиалӧм пу. Ӧтик вонас сідзи жугӧдӧны сюрс кык-куим пожӧм. Колӧ вӧр видзан начальстволы тайӧ лёк делӧсӧ бырӧдны.

Нянь кынмис.

Троица войӧ зэв ёна пужъявліс; сю, коді удитіс шепсявныс, шӧрипӧв кынмис, ӧні сійӧ дзик еджыд, вартӧм шеп кодь. Быдӧн кынмаліс пу-лыс йывъяс, эжӧр турун, ид. Экспертнӧй комиссия видлаліс да шуӧ, кынмавтӧмин пӧ абу кольӧма. Мужикъяс зэв жуглясьӧны. Пемыд йӧз шуӧны, «енмыд пӧ накажитіс ыджыд видзнад вичкотӧ игналӧмсьыд». Колӧ вӧлі страхуйтны кӧдзатӧ, сэк нянь кынмӧм понда эськӧ эн йӧрмы: отсӧг эськӧ лои.

Колӧ чиститны.

Быд во зэв ёна кер лэдзӧны, йывсӧ оз чиститлыны, делянкатіыд весиг мунныд оз позь. Сэтшӧминад гожӧмнад жар дырйи ӧзъяс кӧ, ставсӧ сотас, оз коль ӧтик ловъя пу. Сотчӧмӧ пожӧм пыдди пондас петны кыдз да пипу. Во дас мысти сувтса кос пуыд ставыс пӧрӧ, бара оз кут позьны мунныд, бара сотчас. «Тадзнад кузяӧн став бур вӧрным бырӧ», — шуасьӧны мужикъяс. Лэдзны лэдзасны, а оз чиститны, бура старайтӧмӧн кӧ эськӧ миян вӧрыд оз бырлы.

Мартюшов.