ПӦДДЕЛЬНӦЙСЯНЬ ГИЖӦНЫ

Пӧддельнӧйын (Кулӧмдін карулын) вӧлӧма «Троица» праздник. Аскуртӧ пуӧмаӧсь зэв уна. Сэсся кык лун чӧж юӧмаӧсь, ветлӧдлӧмаӧсь сикт кузьтаыс; пыр найӧ кокнас чукыль-мукыльяс гижалӧмаӧсь Пӧддельнӧй туй вылӧ. Нывбаба ни, мужчина ни, некод нин абу кольччӧмаӧсь. Ветлӧдлӧны да шуалӧны: «Лӧсьыда жӧ удайтчис миян тайӧ праздник. Самӧкуртӧ кӧть вӧч ушат тыр: некод бара, майбырӧй, кутысьыд абу — начальник милицияыд сійӧ ас морт, милиционер сійӧ ас морт кодь жӧ».

Сэсся бара жӧ Вознесенньӧ лунӧ вӧлі праздник Керӧсын. Милиционер пышйис гортас, Шойнатыӧ. Сэки бурлакъяс Кулӧмдінысь локтысь новобранечӧс нӧйтісны: дорйыныс некодлы вӧлӧм.

Тайӧ милиционерыс Пӧддельнӧйӧ волас лун куим кежлӧ, сэсся гортас мунас да тӧлысь оз волы.

Кулӧмдінса Умилиция, тайӧс кывзы, гартышт пель гӧгӧрыд!!!

Ёкыш.