МЕДБӦРЪЯСӦ НЕТШЫШТІС

Кӧрткерӧсын неважӧн зэв гӧль крестьянинлӧн (Даньӧ Ӧльӧш Ӧлексанлӧн) кулі гӧтырыс, коли вит посньыдик челядь. Ставныс кӧмтӧмӧсь, пасьтӧмӧсь, тшыгӧсь — частӧ корӧны милӧстина. Гӧтырсӧ дзебныс кутшӧмкӧ бур морт сетӧма кык аршын дӧра. Сьылӧдӧм бӧрас поп курыштас и сійӧ кык аршын дӧратӧ. Оз тай и челядьсьыд яндысь весиг!

Даньӧ Ӧльӧш Ӧлексан гӧтырыс эськӧ поп пондаыс жӧ и кулі да. Колян во кӧмтӧгыс куртӧма попыслы васӧд видз вылын. Сэсся нӧшта зэрӧма зэв ёна. Кынмӧмысла сэсся и висьӧмӧ уси. Ӧнӧдз пыр висис.

Видзӧдысь.