ВАЖКУА

Выль ног пыртчӧм

Юнь 1-й лунӧ чукӧртчисны коммунистъяс, комсомолечьяс, служащӧйяс да крестьяна 100 морт дорысь унджык Мишарин ёртлысь чужӧм нывсӧ пыртны. Собранньӧсӧ восьтігӧн Уком РКП шлен Булышев ёрт висьталіс, мыйӧн торъялӧ вичкоын важногса пыртчӧмысь коммунистъяслӧн выльногса пыртчӧм.

Нывлы ним пуктісны «Роза», Роза Люксембург кузя (сійӧс озыръяс виисны Германияын уджалысьяс дор олӧм понда).

Коммунист ячейкаысь шлен Мишарин висьталіс, ми пӧ Розаӧс босьтам кандидатӧ коммунист партияӧ, шленскӧй взносысь мездам 18 арӧсӧдз.

Панюкова ёрт нывбабаяс нимсянь кӧсйысис бура быдтыны-велӧдны Розаӧс.

Панюков ёрт висьталіс, ми пӧ Розаӧс гижам шленӧн Важкуаса комсомол ячейкаӧ, шленскӧй взносысь мездам 14 арӧсӧдз.

Велӧдысь Панюкова ёрт висьталіс, и ми пӧ талунсянь Розаӧс гижам шленӧ Всеработпросӧ, сэсся кӧсйысям сійӧс велӧдны 22 арӧдз.

Собранньӧ помалісны Интернационал сьылӧмӧн.