ВЕЛӦДЧӦЙ МУКӦД СЁЙТЫЛЫСЬ

Уджалысьяс Прокуратураын да Обсудын восьтӧмаӧсь гожӧм кежлӧ посни челядьлы ясли Сёйтыын. Кор воӧмаӧсь сэтчӧ яслисӧ восьтыны, мужик и баба — ставныс шуӧмаӧсь: зэв пӧ сійӧ буртор миянлы. Мыйӧн пӧ вермам — сійӧн и отсалам, сӧмын пӧ босьтӧй челядьнымӧс. Кыдз шуисны — сідз и вӧчисны. Отсалӧны ёна. Ясли лӧсьӧдігӧн удж пуис. Мужикъяс вӧчӧмаӧсь крӧватьяс, зыбкаяс да мукӧд сэтшӧмтор, нывбабаяс пелькӧдісны керкасӧ, тасьті-пань вайисны. Сэсся шуисны быд керкаысь, кодысь кага лоӧ яслиын, лун кежлӧ кринча йӧв. Сідз Сёйтыын воссис ясли челядьлы.

Мукӧд карса служащӧйяс кӧ босьтчасны тайӧ удж вылӧ тшӧтш, крестьяна отсӧгӧн, оз ло зэв сьӧкыд тайӧ вӧчны. Пӧльзаыс зэв ыджыд лоӧ.