АБЪЯЧОЙЫН ЭМ МОПР

Тіян эм-абу?

Профсоюзса шленъяс Абъячойын (Визин карулын) январ 2-ӧд лунӧ восьтісны ставмувывса революционеръяслы отсасянін (ячейка МОПР), пырисны сэтчӧ ставныс шленӧ, взнос урчитісны 1 прӧчент (быд шайтысь ӧтик урӧн) жалӧванньӧысь.

Абъячойса, тыдалӧ, тӧдӧны, кутшӧм сьӧкыд овны революция вӧсна вермасьысьяслы. Му пасьтала ӧні мунӧ уджалысьяслӧн озыръяскӧд кось. Быдлаын власьтыс озыръяс киын. Уджалысь йӧзӧс власьтыс ёна жмитӧ, пӧдтӧ, лыйлӧ, тюрмаясын сісьтӧ.

Колӧ быд грездӧ восьтавны татшӧм отсасянінъяссӧ. Некор оз ков вунӧдны революция вӧсна вермасьысьясӧс. Найӧ кӧ вермасны, озыръяс бырасны, пуксяс му вылын долыд олӧм уджалысь йӧзлы.