КОМИ КРЕСТЬЯНАЛЫ ОВМӦС КЫПӦДНЫ ПОЗЬӦ

Крестьянин Сидоров урожай босьтӧ кык мында.

Паль вӧлӧсьтын, Тупицын сиктын олӧ крестьянин Е. В. Сидоров. Сійӧ ёна тӧждысьӧ му уджалӧм йылысь. Колян арын Сидоров кыскалӧма аслас му вылас (200 кв. сажень) 15 додь трунда (торф), кӧдзӧма сэтчӧ 8 килограмм (20 пунт) сю. Няньыс воӧма пӧшти 30 мында — 232 килограмм (14 пуд, 25 пунт).

Е. В. Сидоров пуктылӧма му вылӧ (400 кв. сажень) 240 килограмм (15 пуд) картупель, гожӧмнас кыкысь картупельсӧ мудйӧма (окучивайтӧма). Картупельыс артмӧма дас квайт мында — 4 тонна (244 пуд).

Коми крестьяна, аддзанныд: овмӧстӧ кыпӧдны позьӧ! Кужӧмӧн да старайтчӧмӧн кӧ мутӧ уджалан, няньыд и пуктасыд воас заграничаын моз жӧ.

Нӧшта на унджык воас, кутанныд кӧ ӧтув уджавны выль ногӧн, машинаясӧн; сэки этшаджык вын ковмас пуктыны уджад.