ОМӦЛЯ ТОМ ЙӦЗ УДЖАЛӦНЫ

Куим километр (3 верст) сайын Сыктывдінкарсянь эм сикт Кӧджпом. Ме сэтчӧ веськавлі неважӧн, самӧй «рӧштво» лунӧ. Луныс эськӧ коли бура лӧсьыда, кӧть кодсюрӧсӧ вӧлі шатлӧдлӧ мыйыськӧ. Рытнас менӧ корисны «ворсанінӧ». Муні. Керка тырыс йӧз: мужикъяс, бабаяс, ныв-зон, посни челядьпиян — весиг пуксьыны некытчӧ. Керкаыс ыджыд — куим вежӧса. Первояс, ен ув пельӧсас, пызан сайын картіасьӧны «пилькаысь»; сэні жӧ сьылӧны, йӧктӧны, гудӧкасьӧны, ёрччӧны, матькӧны... Пыри водзӧ, ачым думайта: «Дерт, сэні бурджыка ворсӧны». Йӧзыс сэні ещӧ на уна, веськыда рынышӧ моз шӧтӧма! Видзӧда да, йӧзтӧ быттьӧ кутшӧмкӧ тӧв пӧлялӧ — ёна шатлалӧны, — сэні ӧд эськӧ абу нин тӧла! Недыр мысти зыкӧ кодъяскӧ воисны, лыбис сӧт да мать. Муртса косьӧдз эз воны кутшӧмкӧ чер понда, да кыдзкӧ дугӧдісны.

Со кутшӧм «ворсанінӧ» ме веськавлі «рӧштво лунӧ»!

Союз молодёжи абу. Некутшӧм бурджык ворсӧм оз овлы. Тӧлын том йӧз войпукӧны, гожӧмын — вой ветлӧны.

Сэсся карса шефыс зэв шоча волывлӧ сэтчӧ, велӧдны бур вылас некодлы. Колӧ частӧджык видзӧдлыны сылы!

Лэбач.