ПОЖӦМЪЯСЛӦН ТУГАН

Пожӧм пуяс пашкыр йывнас
Сывъялісны тылысь йир.
Сысъялісны паськыд тывнас
Енэж и быд кымӧр чир.

Быттьӧ емын рыжмӧм сунис,
Гожӧм лоис вывті нэр.
Сійӧ ты веркӧсӧд муніс —
Кок пыдӧсӧн колис сер.

Медся бӧръя лунӧ сӧмын
Гожӧм косавліс на бӧр,
Нюмдіс ыргӧн пожӧм рӧмӧн.
Сэсся кыдзи тан он бӧрд?

Пледлӧн гырысь серӧ йӧрта
Миян янсӧдчӧмлысь ру.
Но ӧд гожӧмсӧ он кӧртав.
Исковтас кӧ, он нин су.

Медкӧ ставыс коляс бӧрӧ.
Меа-тэалӧн эм ты,
Шыльыд, быттьӧ шабді дӧра,
Гортӧм, быттьӧ скитын шы.

Сэн, кӧн шонділӧн веж югӧр
Вундӧ васӧ, быттьӧ пур,
Зумыд пожӧмъяслӧн туган
Кӧсйӧ венны енэж чурк.