ШОНДІЛЫ ДЗУГ

Вожъясыс вӧчӧмны шонділы дзуг.
Шкап улӧ гӧгыльтчис лун.
Юрлӧсыд бобувкӧд ланьтӧма тшук —
Вӧтӧдӧ бордъясьӧм ун.

Воссьыштӧм ӧшиньӧ пысасис плющ,
Вуджӧрӧн серӧссис шор...
Ӧдвакӧ татӧні кольччан — зэв кузь
Ӧтнадлы чӧлас, и нор.

Тёльгӧмнас пелыськай пальӧдӧ йӧр.
Сійӧс тэ, кӧнкӧ, он кыв?
Кодзувъяс дорсьыс вай бергӧдчы бӧр,
Енкӧла юӧдыд кывт.

Енэжсӧ вевттьӧма-тӧбӧма сьӧд.
Йӧрданын ломалӧ моль.
Талун кӧ тэланьӧ другысь ог лок,
Аски ас муӧс ог коль.

Тэнӧ тан ордымыд виччысьӧ пыр,
Ва гӧптӧ видзӧдчысь чӧв,
Бобув да югзьӧдӧм ӧшиня жыр,
Плющ корсӧ дэбӧдысь тӧв.