





ТШУПӦД БӦРСЯ ТШУПӦДЛунысь лунӧ кадӧс лота — Чӧвсӧ вундӧ шурӧб чер. Тшупӧд бӧрся тшупӧд содӧ. Вӧлӧм, эм на кужӧм-сер. Тӧлысь дзармӧдӧма синсӧ, Войсӧ нӧбӧдӧ сьӧд гыр... Сэні сьӧкыд корсьны интӧ, Кыдз и тані олігдыр. Енэжӧдзыс тшупӧд — уна: Туйыс лоӧ вывті кузь, Воськов бӧрся воськов муна Ньӧжйӧникӧн, мед ог усь. Ыргӧн кӧвдум лунся дзартӧг Шонтӧ войся енэж шӧр, Быттьӧ ен тупыльӧ гартӧм Шонді югӧрыслӧн шӧрт. Лэпта — подув артмӧ зумыд: Тані — тагӧс, сэн — карниз. Сӧмыд уджалӧ и думыд: Уся нӧ кӧ, быттьӧ из?