БОЖӦЙ ВЕЛОСИПЕДИСТШонді быгыльтчӧ кыр горув. Сылы паныд вильыш горӧн Кыптӧ тулысыслӧн рӧч. Ыбын чепӧсйӧм веж турун Сэтшӧм рад, мый шонді тюрӧм Сылы веськодь. Мый кӧть вӧч! Синкым увті вуджӧр дзӧрӧ, Биыс вожъяс костӧд вӧрӧ, Быттьӧ кӧльӧсаын тас. Шоныд радлун — сэтшӧм тӧдса! — Киссьӧ, лыбзьӧ, босьтӧ ӧдсӧ, — Майбыр олӧмыслӧн тас. Лунтыр шывкъялам гож водзын Уличдорса косьмӧм нёдзын, Туйыс гартчӧ — пескыль юн. Рытладорыс водӧ руӧ, Быттьӧ колькъяс пӧжысь курӧг, Котсӧ сигӧралӧм лун. Пуясыслӧн пашкыр корйӧд, Турунӧд да мулӧн борӧд, — Тӧдӧ аслас туйлысь визь, — Мир туйӧд да ӧшинь вывті Ыджыд кӧльӧсаӧн кывтӧ Божӧй велосипедист.
