ВИСЬТЫШТ...

Лӧнь рытыс ньӧжйӧ вештӧ стеклӧ вылысь
Гӧрд шонді югӧр чукӧръяслысь кӧдж.
Бур вӧчӧмъяс да лӧсьыд кывъяс йылысь
Строкаыс чусмӧ шондіыскӧд тшӧтш.

Тэ висьтышт, мый мен тувсов лӧзыс ваяс
И дыр-ӧ-регыд сьӧлӧмӧй оз вись.
Тӧд: талун, кыдзи сэки, дас во сайын,
Тан заводитчӧ миянлы выль висьт.

Сӧр, кытчӧдз ворсӧ дзебсясьӧмысь вуджӧр,
Да аддзысьӧмсӧ мичмӧд, кужан кыдз.
Ӧд тэнад киысь тайӧ луныс вуджӧ
Ас вӧля вылӧ — шонді рӧма гыч.