ГЕРМАНИЯЫН

РАБОЧӦЙЯС ВЕРМАСЬӦНЫ 8 ЧАСА УДЖАЛАН ЛУН ВӦСНА.

Германияса озыр йӧз зэв ёна кутісны нартитны рабочӧйясӧс: ичӧт дон сетӧны, уджалан лун нюжӧдӧны. Войдӧр вӧлі сэні рабочӧйяс уджалӧны кӧкъямыс час. Ӧні озыръяс содтісны ӧкмысӧдз, дасӧдз, дай водзӧ на содталӧны — Рурскӧй Обласьтын (прансузъяс кипод улын) кӧсйӧны лӧсьӧдны дас куим часа уджалан лун. Германияса правительствоыс сулалӧ озыръяс дор. Та вӧсна рабочӧйяс лэптысисны быдлаын вермасьны асланыс кокньӧд понда. Ӧні Германия пасьта мунӧ забастовка. Уна пабрикъяс, заводъяс нин сувтӧмаӧсь.