* * *

Менам кок улын медводдза лым.
Сьӧлӧм пытшкӧсам дзоридза ки.
Еджыд туйӧд мен ветлыным
Рытыс ӧзталіс кодзула би.

Ме ог тӧд, тайӧ чард али гым?
Петук сьылӧ лӧз раскын ли тӧв?
Гашкӧ, му вылын абу на лым,
А юсь кӧлысьяс шойччӧны чӧв.

Ок и мича тэ, едждӧдӧм эрд!
Шонтӧ сьӧлӧмӧс небыдик лун.
Пасьтӧм кыдзьяссӧ сывъяла, дерт,
Найӧс окавтӧг раскысь ог мун.

О, тэ, помасьтӧм пармалӧн бан,
О, тэ, лымъялӧм отъяслӧн гаж!
Кӧсъя овны и кувны ме тан,
Менам кӧсйӧмӧй олӧмсьыс важ.