КЕРКАЫН

Пачыс шаньга кӧрсӧ сетӧ нин,
Ырӧш быгзьӧ лагун тыр.
Тӧрӧканъяс горсйысь петӧны —
Вывті шоныд лоис жыр.

Саыс пӧдан сайын гӧгралӧ,
Пачын сылы овны дыш.
Пызан вылын сов доз гӧгӧрын
Тырыс чипан кольклӧн кыш.

Пач вом дорын копыртчылӧмӧн
Укватъясӧн ноксьӧ мам.
Мӧс вӧра йӧв каньным кылӧма,
Сылань кыссьӧ — татшӧм сям.

Додь вож вылын курӧг горӧдчис,
Сэсся — ӧти бӧрся мӧд.
Петук збоя борднас шпорӧдчӧ,
Сьыланкывлы пом оз тӧд.

Кычипиян ворсны уйӧны.
Да он ӧдзӧс сайсьыд пет.
Юрсӧ сийӧсъясӧ сюйӧны,
Тайӧ зыксьыс мынны мед.