* * *

О, эска, эска, шудыс эм!
Эз весиг шондіыс на лэччы,
А кыа юӧрӧн нин чеччӧ,
Мый водзын шуда лоӧ нэм.
О, эска, эска, шудыс эм!

О, горав, горав, зарни Русь,
Тэ лэбав, кыпыд бордъя тӧлӧй!
Ме чайта, сійӧ шуда вӧлі,
Код дзикӧдз сьӧлӧмнас эз усь.
О, горав, горав, зарни Русь!

Мен муса ыджыд валӧн гор
Да гыяс вылын кодзув синъяс.
Бур кывйыс шонтӧ сьӧлӧм дінӧс,
Ме сэсся нинӧмсӧ ог кор.
Мен муса ыджыд валӧн гор.