ЛЬӦМ

Тулыс воис. Ойдӧдіс
Мусӧ-васӧ льӧм,
Ывла вылас войтӧдіс
Муса кӧр да рӧм.

Пуяс вылысь везъясӧн
Тюрӧ маа моль.
Гарйыс потіс эзысьӧн,
Дзирдлӧ, быттьӧ шоль.

Орччӧн лымйыс сылӧма,
Веж нин баддя дор.
Лэбӧ визлач сьылӧмӧн
Ичӧлиник шор.

Льӧмйыс, чӧскыд кӧраыс,
Сулалӧ, оз мудз.
Вылысас веж дӧраыс
Шонді водзас нюдз.

Шорлӧн гора визулыс
Малалӧ быд вож.
Сылӧн весиг из улын
Сьыланкывйыс чож.