* * *

Коясьӧ льӧм пуыс лымйӧн,
Лысваа дзордзалысь му.
Чавканъяс воськолӧн-джынйӧн
Келӧны ляпкыдик ру.

Рудзалӧ туруныс шӧвкӧн,
Сынӧдын пожӧмлӧн кӧр.
Сы мында шудсӧ ме кӧвті,
Морӧсӧ весиг оз тӧр.

Сьӧлӧмӧй небыда кылӧ,
Вемӧсыс — енъюгыд вӧт.
Сэтшӧма вӧрзьӧдіс нылыс,
Узьӧм ни олӧм ог тӧд.

Коясь тэ, льӧм пуӧй, лымйӧн,
Сьылӧй ті, лэбачьяс, пыр.
Дзоридзсӧ воськолӧн-джынйӧн
Быгзьӧда талун ме дыр.