СЬЫЛАНКЫВ ПЫДДИ

Вӧвсӧ содзсьыд тэ келӧмӧн юктӧдін кор,
Кыдзьяс ва вылас чегисны, катласигсор.

Лӧзов чышъянсьыд мичаджык нинӧм эз вӧв,
Смоль сьӧд юрситӧ ӧдӧбӧн сыналіс тӧв.

Быдсӧн доймыштіс алӧйгӧрд вом дорыд мед,
Кӧсйи окыштны эськӧ, да тэ тай эн сет.

Нюмдін вильыша, резыштін ванас на дай,
Менам син водзысь здукӧн и лэбыштін тай.

Шонді югӧра лунъясыс кыисны вӧнь...
Ӧшинь улӧдым нуисны тэнӧ, кӧн лӧнь.

Лунсӧ ойдӧдіс гуалан-гортъялан шы,
Но ме кылі, кыдз содзьясад солькъясьӧ гы.