ТАЛЬЯНКА

Тэ, тальянка, ӧмидз мекъяса,
Рытгорув шытӧ сет.
Мича нылӧй, муса зонмыслы
Сикт помӧ воча пет.

Сьӧлӧм югзьӧ пӧлӧзничаӧн,
Оз ньӧти шогсӧ кыв.
Ме тальянка вылын корсяла
Лӧз синъяс йылысь кыв.

Эз ӧд кыа, синсӧ кунигӧн,
Ты вылӧ гылӧд роз.
Тайӧ тэнад мича чышъяныд
Тась лэбис бобув моз.

Вай, тальянка, ӧмидз мекъяса,
Рытгорув шытӧ сет.
Мича нылыс муса зонмыслысь
Пӧсь ловсӧ кылас мед.