ХУЛИГАНВасӧд гӧликӧн бадьясыс пӧлӧн Зэрыс котралӧ эстӧн и тан. Сьӧлась коръяснас, ӧдӧба тӧлӧй, Ме ӧд тэ кодь жӧ дзик хулиган. Меным любӧ, кор лӧзӧдӧм вӧрыс, Быттьӧ вӧтасян воськола ӧш, Туйсӧ надзӧник катовтӧм бӧрын Лэдзӧ кынӧмсьыс кӧш бӧрся кӧш. Рыжӧй растӧгыс здукӧн и кула, Меысь бурджыка нимӧдас код? Аддза, аддза, кыдз пемыдыс нюлӧ Мортлӧн воськола муыслысь под. Пуысь кыпӧдӧм-лыбӧдӧм Русьӧй, Ӧти сьылысь ме тэнад и эм. Шуштӧм кывбурам шогыс кор усис, Сійӧс мятаӧн верді ме век. Тӧлысь кӧшсӧ вай югзьӧдӧй, бияс, Колӧ кыдзьяслысь гумовтны йӧв. Шойна вылын сьӧд крестъясыс — кияс, Горшад сатшасны — и бара нин чӧв. Кодкӧ эрдъясын тыдавлӧ сьӧдӧн, Гашкӧ, видзӧдӧ ректыны сад. Сӧмын ачым ме зэв бура тӧда, Кыдзи гӧрдлӧмӧн коллявны кад. Коді аддзыліс, войнас кыдз пуӧ Шоныд сьӧлӧма льӧмйыслӧн дзу? Меным эськӧ лӧз степӧ да муӧ, Да мед вӧліс на йӧйталан ру.
