* * *

Дурӧ тӧлыс потшӧссайса йӧрын,
Кӧні лудыс том.
Тӧда ме, мый юысьӧн да вӧрӧн
Сота олӧм пом.

Вӧйӧ луныс гӧрдов кыркӧтш сайӧ,
Рытыс быттьӧ вӧт.
Ог ме ӧтнам аддзы ставсӧ тайӧс,
Шӧйтӧ-й кодкӧ мӧд.

Шеныштчисны сэтчӧ-й-татчӧ муяс,
Сэні грезд, тан сикт.
Кӧть литвинӧ, кӧть чувашӧ туя,
Крестным ӧткодь дзик.

Ачым коркӧ, буракӧ, ме шулі:
Воас сэтшӧм час —
Локтас, кыдзи юысь потшӧс улысь,
Венны позьтӧм Спас.

Юясдорса лӧзов руӧ суна,
Кӧні олӧ вӧт.
Шома юрӧн ньӧжйӧникӧн муна
Да ог сійӧс тӧд.

Синва менам нэмсӧ пыдын вӧлі,
Син дорӧс оз сёй.
Сӧмын радлун вошас, кыдзи гӧлуб,
Сэтчӧ, кӧні вой.

Бара, кыдзи водзті, ёна скӧра
Босьтчас сьывны шог...
Мед кӧть морӧс вылын кулӧм бӧрын
Тӧлыс песӧ кок.