* * *

Код ме? Мый ме? Сӧмын кыськӧ волысь,
Кодлӧн синмыс важӧн абу лӧз.
Сідзсӧ быттьӧ лӧсьыда на-й олі,
Кыдзи-й мекӧд орччаасьӧм йӧз.

Ок и уна окавлі ме нылӧс,
Тэнӧ ог жӧ бокӧ кольны мӧд.
Тэ кӧ месянь мича кывъяс кылан, —
Сідзкӧ, сӧра, кӧть нин тайӧс тӧд.

Кӧть и помся шуа «дона», «муса»,
Вежӧр кутӧ дзик ӧд ӧтитор.
Ӧзйӧм мортсӧ ӧдӧбӧн он кусӧд,
Сылысь збыльсӧ висьтавны он кор.

Сьӧлӧм пытшкын нэмсӧ бипур олӧ,
Сійӧ некор эз на овлы кын.
Мед и зэв на уналы тэ колан,
Меысь, чайта, он жӧ здукӧн мын.

Муса мортыс кӧнкӧ эськӧ ӧти,
Но ми тэкӧд лӧсьӧдчылам кор,
Тэнӧ сэк ог вежӧгты ме ньӧти,
Тэнӧ сэки ньӧти ме ог ёр.

Кысь ме? Мый ме? Сӧмын кыськӧ волысь,
Кодлӧн синмыс важӧн абу лӧз.
Тэнӧ тшӧтш жӧ радейтӧмӧн олі,
Кыдзи-й мекӧд орччаасьӧм йӧз.