* * *

Тыяс весьтӧ кыаыс лэптіс алӧй сись,
Ягын дозмӧр панӧма бӧрдӧм сора висьт.

Кӧнкӧ горсйын бӧрдӧ жӧ ичӧт вадор кай,
Меным бӧрдны нинӧмла, шогыс абу тай.

Тӧда, тэнӧ петкӧдас гортсьыд тэрыб кок,
Аддзам юръяс кольмӧдан шоныд зорӧд бок.

Коддзытӧдзым окала, чега дзоридз моз,
Вежӧртӧ кӧть воштылан, видасны кӧть оз.

Ачыд менам муслунысь пӧрччан, колӧ мый,
Некод баддя лэбулысь миянӧс оз кый.

Медым сэсся бӧрдӧны дозмӧръясыс сквӧзь,
Нимкодь шогыс колӧ жӧ, кыаыс кор пӧсь.