* * *

Клёнӧй менам, клёнӧй, зэв тай кӧдзыд лолыд.
Лымъя визув улас мый нин кусынь олан?

Гашкӧ, мыйкӧ аддзин? Гашкӧ, мыйкӧ кылін?
Ыркӧдчыны быттьӧ петӧмыд туй вылӧ.

Коддзӧм стӧрӧж моз тай вӧйӧмыд лым пиӧ,
Петнысӧ он вермы, кынмӧ кокыд-киыд.

Ок, и мыйкӧ ачым талун ӧдва лола,
Ӧдвакӧ ме гортӧ юанінсянь вола.

Воча берба лоис, пожӧм нӧшта вӧлі,
Гожӧм йылысь налы сьылі кӧдзыд тӧлын.

Ачымӧс ме чайті дзик жӧ тэ кодь клёнӧн,
Сӧмын кӧсйи вежӧн тулысын моз лоны.

Сэсся менам вежӧр путкыльтчылӧ сідзи —
Йӧзлысь гӧтыр пыдди кыддзӧс сывйын видзи.