МАМЛЫ ПИСЬМӦ

Ловъя на тэ, менам пӧрысь мортӧй?
Ловъя-й ме. Привет тэныд, привет.
Лӧзов югӧр сэні, ылі гортын,
Кояс рытыс керка весьтӧ мед.

Юрӧ воӧ, сьӧлӧмӧй тшӧтш кылӧ,
Ме йылысь пӧ думайтан тэ пыр,
Важ шушуннад петан пӧ туй вылӧ
Тшӧкыда да сулалан вель дыр.

ӧтитор тэ аддзан пемыд войсьыс,
Синъяс улад мӧдторйыс оз сюр:
Быттьӧ кодкӧ меным чорыд косьын
Сьӧлӧм улӧ сюйис финскӧй пурт.

Нинӧм, мамук. Сӧрӧм тайӧ, думысь.
Бурӧд асьтӧ, дойыд мед оз пет.
Абу нин ме сэтшӧм ёна юысь,
Аддзысьлытӧг кувны сэсся мед.

Ме ӧд важ моз век на рам, ог лёксьы,
Ӧти мӧвпӧн сӧмын олӧ юр,
Медым меным сьӧлӧм дойдан шогсьыс
Локны гортӧ, кӧні ставыс бур.

Локта сэк, кор тулыс мичсӧ ваяс,
Дзоридзьясӧн садным ловзяс кор.
Сӧмын, кыдзи кӧкъямыс во сайын,
Эн тэ садьмӧд менӧ асъядор.

Кыдзи овны, эн нин велӧд менӧ,
Бергӧдчыны важас вывті сёр.
Тэкӧд кыкӧн кыдзкӧ шогсӧ венам,
Ӧтнад меным медся муса морт.

Вай жӧ сэсся шогтӧ ассьыд кылӧд,
Ме йылысь эн думайт сэсся пыр.
Важ шушуннад эн нин пет туй вылӧ,
Эн нин сулав рӧмыдас тэ дыр.