* * *

Вель важӧн, ковтӧмӧн кор лои,
Ме таті ветлӧдлі вель дыр.
Кор юрӧ гудыр мӧвпыс воис,
Сэк юлань уськӧдчи ме пыр.

Зэв югыд вӧлі берег дорыс,
Ме корси кыркӧтшыслысь рӧч.
Друг ваыс пемдіс гыяс сорыс,
И водзӧ воськолӧс эг вӧч.

А бӧрынджык, кор пуктін пыдди,
Ми татчӧ тэкӧд волім пыр.
Тэ гыясыслы аттьӧ лыддин,
Мый сэки ваас ме эг пыр.

А ӧні, вунӧдін кор менӧ,
Кор колис сы мында нин во,
Ме бара шогӧс пыка-вена
И тані бара ветла со.

И бара сэтшӧм мӧвпыс ловзьӧ,
И бара кыркӧтш вылын ме.
Сьӧд ваыс менӧ оз нин повзьӧд,
А корӧ, йирас пыри мед.