К.Б.-лы

Ме аддзи тэнӧ — и став важыс
Кын сьӧлӧм пытшкын ловзис бӧр;
Дум вылӧ усис зонма гажӧй —
И сьӧлӧм кыліс шоныд кӧр.

Кыдз овлӧ корсюрӧ сёр арын
То сэтшӧм лун, то сэтшӧм час,
Кор тулыс быттьӧ локтӧ бара,
И ачыд быттьӧ абу ас, —

Сідз воддза шудсӧ вайӧм тӧлӧн
Дзик ставнам ӧні шудӧн тыр.
Ме сідз жӧ, кор тай томӧн вӧлі,
Со тэӧн нимкодяся пыр.

Кыдз быттьӧ нэмъяс кольӧм бӧрын
Ме тэнӧ аддза вӧтын моз.
Пыр мыйкӧ туӧ сьӧлӧм шӧрын,
Оз кӧсйы сайӧдчыны, оз.

И тайӧ абу сӧмын важыс,
А тайӧ — олӧм ловзис бӧр, —
И бара на тэ — олан гажӧй,
И муслун сьӧлӧмӧ оз тӧр.