ТӦВСЯ РЫТБушков лымсӧ гӧгӧр лякӧ, Пемдӧ быдсӧн енэж сер. Бӧрдӧ сійӧ, быттьӧ кага, Лӧвтӧ сійӧ, быттьӧ звер. Идзас вевта керка вылысь Корсьӧ мыйкӧ бура дыр. Быттьӧ локтіс кыськӧ ылысь — Тотшкӧ ӧшиньӧ, оз пыр. Керка пытшкын сьылан горыс Бура важӧн нин эз вӧв. Муса бабӧй, ӧшинь дорас Тэ нӧ мыйла олан чӧв? Али тэныд сьӧкыд кывны Еджыд бушколыслысь гор? Али тэнӧ небыд сывнас Унмыд босьтіс печкигсор? Вай жӧ юам, дона мортӧй, Мед ме гӧль, да вылын юр. Вай жӧ юам, ми ӧд гортын, Сьӧлӧм вылын лоас бур. Сьыв мен, кыдзи саридз сайын Кыӧ пыста сьыланкыв. Сьыв мен, кыдзи васӧ вайӧ Асывводзын мича ныв. Бушков лымсӧ гӧгӧр лякӧ, Пемдӧ быдсӧн енэж сер. Бӧрдӧ сійӧ, быттьӧ кага, Лӧвтӧ сійӧ, быттьӧ звер. Вай жӧ юам, дона мортӧй, Мед ме гӧль, да вылын юр. Вай жӧ юам, ми ӧд гортын, Сьӧлӧм вылын лоас бур.
