ВӦСНИ ПЕЛЫСЬ

Мый нӧ тадзи леган,
Вӧсни пелысь пуӧй,
Инмӧдчылан быдсӧн
Потшӧсӧ да муӧ?

Тасянь абу ылын,
Ю и вуджны колӧ,
Дуб эм бура джуджыд,
Дзик жӧ ӧтнас олӧ.

Кыдз мен, пелысь пулы,
Дубыс дорӧдз воны?
Сэки эськӧ дугді
Куснясьӧмӧн овны.

Сывйышті ме эськӧ
Сійӧс вӧсни киӧн,
Коръясыслы шӧпки
Сьӧлӧмӧйлӧн биӧн.

Сӧмын некыдз меным
Дубыс дорӧ воны.
Тадзи-й сэсся ковмас
Нэмыс ӧткӧн овны.