КОЛӦ ТШӦКТЫНЫ МАВТНЫ

Нёбдін кузя мунігӧн син вылад шыбитчӧ школа вевтыс: кӧрт вевта, сьӧд-виж рӧма, писти сера. Прамӧя видзӧдтӧг думайтан: кутшӧм лӧсьыда кодкӧ мавтӧма; кутан кӧ прамӧя видзӧдны — шогыд босьтас: вӧлӧм — сімӧма.

Тайӧ керкаыс вӧвлі важ вузасьысьлӧн, ӧні босьтӧма (муниципализирован), лоӧ вӧлӧсьтувса Исполкомлӧн.

Колӧ жӧ эськӧ мавтны да, сьӧмсӧ, буракӧ, сы вылӧ тшӧтш йӧзыслӧн мынтӧма. Кымын дыр он мавт, унджык ковзяс сьӧм, кутӧма нин виявны, бӧръяпом ковзяс вевтсӧ вежны мавттӧмла.

Нёбдінса, оз кӧ юралысьясныд гӧгӧрвоны, тшӧктӧй ті!

Ветлысь-мунысь.