ӦТИ КЫВЙӦ ВОӦНЫ

Лондонын (Англия) мунӧ вӧлі сёрни Германиялӧн союзникъяскӧд важ войнадырся уджйӧзъяс йылысь да Рур бӧр сетӧм йылысь (кольӧм во тай Франция мырддьыліс Германиялысь вель ыджыд, озыр места, шусьӧ Рур обласьт).

Дыр мысти пондӧмаӧсь ӧти кывйӧ воны. Французъяс кӧсйӧны Руртӧ бӧр сетны. Германиялы кӧсйысьӧны союзникъяс выльысь уджйӧзӧн сетны сьӧм — оз кӧ сетны, Германияыд некыдз оз вермы овмӧссӧ кыпӧдны да важ уджйӧзъяссӧ мынтыны.

Сэсся шуӧмаӧсь: октябр тӧлысь 5-ӧд лун кежлӧ пӧ колӧ нин Германиялы бӧр сетны ас власьт улас сійӧ местаяссӧ, кодъясӧс вӧлі Франция мырддьӧма. Пабрик-заводъяс пӧ бӧр лоӧ сетӧма важ кӧзяеваыслы.

Бара кӧ пӧ лыбасны вензьӧмъяс государство кост, пондас судитны Верховнӧй Суд Гаага карын (Голландияын), Германияӧс позяс накажитны вӧлисти сэки, оз кӧ сійӧ вӧч ас кӧсйысьӧм сертиыс.