СЬЫЛӦНЫ-ОЛӦНЫ

ПОМӦСДІНЫН вӧрын уджалысьяс-служакъяс оз ассьыныс уджнысӧ тӧдны. Некор найӧс йӧз костад он аддзыв. Оз бара висьтавлыны крестьянаыдлы, кыдз колӧ вӧрнас пӧльзуйтчыныс!.. Тӧдтӧм пондаыс кӧть крестьянаыд судӧ сюрлывлӧны — налы но мый!

Найӧ тай со поп-дяклы бара отсасьӧны, вичко кырлӧсын ёна равзылӧны, юксьӧны, вокъяс моз, поп-дяккӧд, мый налы сетыштас пемыд мужикыд. Быдторйыс тшӧтш сюрӧ налы: выйыд, няньыд, вуруныд, кудельыд... сьыв да ов!..

Дыр-ӧ нӧ пондасны Помӧсдінса тшӧгӧдны татшӧм йӧзсӧ? Дыр-ӧ оз гӧгӧрвоны на пыдди отсавны мӧда-мӧдыслы, ассьыныс овмӧссӧ кыпӧдны? Дыр-ӧ оз индыны уджсӧ «сьылысь» йӧзыслы?

Конӧ Яков (лесничӧйлӧн отсасьысь), сэсся объездчикъяс — Педот Педӧр да коннӧй Вась — важӧн нин виччысьӧны веськыд туй индӧм.