АТТӦ КОМИ ЙӦЗ!

— Яким дядь, вуджӧд Эжва вомӧныс!

— Кытшовт.

— Эжвасӧ? Зэв кузь.

— Мед инӧ тӧвнас, кор поскыс вӧлі, вуджин.

— Дыр ковмис эськӧ овны мӧдлапӧлас.

— Кристос ыджыд кок чунь гыж! Абу ӧд ме перевозчик.

_____

— Петыр, чериыд нӧ шеді эз?

— Абу ӧд сійӧ вужъя.

_____

— Мый нӧ татшӧм няйт дырйиыс мунан?

— Но? Мича дырйиыд быдӧн ветласны.

_____

— Со тай, пиукӧй, енмыд вӧлӧма на. Мыйӧн Степан вичкотӧ восьтісны — пырысьтӧм-пыр мичаммис, дугдіс зэрныс.

— Но, Наталь тьӧтка, коммунистъясыд мудерӧсь да, кор зэрыс ковмас, бара на тупкасны.

Сюри тай воропыс! Кор зэр колӧ — пӧдлалам, мича кӧ ковмас — восьтам. Он ӧнісянь, енукӧй, корсюрӧтӧ зэр!

_____

Сыктывдінкарса столӧвӧйӧ бур йӧз тшӧктӧны сёйӧмӧн ветлыны, мед виччысигас тшыг он кув.

_____

— Пыр ваксьӧ. Ачыс тшыг кӧнкӧ, эз на кӧнкӧ, коньӧр, сёйлы, паськӧмыс абу, киссьӧма, розьӧсь. Мыйла тэнад век серамыд петӧ?

— Сёйтӧгыд гӧгӧр личыд, паськӧм розьясӧдыс да костъясӧдыс и петӧ серамӧй.

_____

— Ті нӧ мый сёяд?

— Кодъяс?

— Ті.

— Ме ӧтнам да?

— Ӧтнад и эм.

— Мыйла эськӧ «ті» шуан?

— Вежливосьт.

— Мунӧй ті ставныд мӧс бӧж улӧ!

_____

— Висьтав мыйкӧ бурджыкӧс!

— Висьтавны кута, лыддьы сӧмын быд петӧм коми газет.

Ляпкыд Ош.