КУПЕЧ БӦРДӦ, СИНВА КИСЬТӦ

Лэбзьӧма бур пӧра,
Суис курыд шог,
Менам лавка шӧрӧ
Мужик оз нин лок.

Коператив зыртӧ
Менӧ коймӧд во,
Ассьыс зепсӧ тыртӧ,
Нинӧм мем оз во.

Висьӧ менам сьӧлӧм,
Некор нин оз бурд — 
Ок-ок-ок-ок, олӧм,
Он тай йӧзтӧ курт!..

Вочасӧн пыр кушмӧ
Деньга видзан куд,
Кушман моз тай рушмӧ
Менам важся шуд...

Крестьяналӧн полӧм
Абу меысь дзик — 
Ой-я жӧ нин, олӧм,
Гӧгӧр меным пик!..

Войдӧр ме эг тӧдлы
Сьӧкыд оландыр,
Лавка ӧні пӧдлав — 
Некод нин оз пыр.

КУПЕЧ.