ДІЯС

Став менам олӧмӧй — муслунлӧн діяс.
Воӧ пыр сійӧ, мый виччысян эскӧмӧн.
Став менам муслунӧй — олӧмлӧн діыс.
Буракӧ, тадзисӧ шулӧма Енмыс мен.

Муслунлӧн діясыс югзьӧны шудӧн!
Муслунӧй! Тэнӧ мӧй донъявны позьӧ?
Тэнӧ он ньӧб, да и некыдз он вузав,
Чужан кӧ — быдлаын, век синъяс водзын.

Олӧмлӧн діыс — потансянь гуӧдз,
Тырӧма радлунӧн, чушкан кый ^Кый — змея./^ кывъясӧн.
Тадзи кӧ шуӧма, олан нин кувтӧдз,
Эскы век: тӧв нырыд вежсьылӧ югыдӧн.

Став менам олӧмӧй — муслунлӧн діяс.
Аскиа лункӧд ме мусаӧс виччыся.
Муслунӧй — олӧмӧй ыджда жӧ діыс.
Мудзи нин радейтны, тэ — век на виччысян.